Bílamerkingar

Þegar merkja á bíl kemur viðskiptavinurinn annað hvort með tilbúna grafíska hönnun eða fær aðstoð Logoflex við að útfæra útlit bílsins. Við erum með útlínuteikningar í hlutföllum af flestum gerðum bíla. Þegar útlitið er klárt er grafíkin prentuð eða skorin. Ef um prentun er að ræða þarf blekið að þorna í þrjá daga áður en límt er á bílinn. Logoflex merkir yfir 100 bíla á ári, allt frá tölvuskornum stöfum upp í heilmerkingar. Við leggjum áherslu á vönduð vinnubrögð og notum bestu fáanlegu efnin hverju sinni.

Ath! Hreinir bílar spara öllum tíma og kostnað.

Heilmerking

Að heilmerkja bíl gefur þér endalausa möguleika á að koma skilaboðum þínum á framfæri. Það er ekki óalgengt að breytt sé um lit á bílnum um leið og hann er merktur. Skilaboð og myndefni þarf að ígrunda mjög vel. Hönnunin verður svo að miðast við þá bílategund sem á að merkja og passa þarf upp á að texti og myndefni lendi ekki á þeim stöðum sem ekki er hægt að merkja.

Hlutamerking

Ef þú vilt spara við þig í merkingum eða halda einhverjum hluta bílsins ómerktum; þá er hlutamerking góður kostur. Algengt er að merkja aftari hluta bifreiða eða einhverja fleti, s.s. hurðir eða vélarhlíf.