Fánar

Fánar

Logoflex framleiðir fána í þeim stærðum sem óskað er. Stærðir fána fara oft eftir hæð flaggstanga. „Æskilegt er að miða við að breidd fánans sé 1/5 af lengd fánastangar“. *

Fánaefni.
Hægt er að velja um tvö fánaefni en algengast er að nota svokallað gataefni sem skilar betri endingu því efnið hleypir vindi í gegnum sig og því slæst fáninn ekki eins mikið til í miklu roki. Hefðbundið fánaefni skilar hins vegar betri prentun, sérstaklega ef myndefnið er með mörgum smáatriðum.

Ending fána.
Ending fána fer öll eftir veðri og vindum. Ef fánar eiga að vera úti allan sólarhringinn og alla daga ársins er ekki óalgengt að þeir trosni á jöðrunum, sérstaklega á þeirri hlið sem er fjærst fánastönginni þar sem slátturinn á fánanum er mestur. Eina lausnin við þessu er að eiga nokkra fána til skiptanna.

Frágangur.
Fánaefnið sjálft er skorið með hitahníf sem lokar öllum saumum á hliðunum og veldur því að fáninn verður léttari og blaktir fallega í smá gjólu. Á þeirri hlið fánans sem snýr að flaggstönginni er fáninn faldaður og fánasnúra saumuð á hann eftir kúnstarinnar reglum. Á báðum endum fánasnúrunnar eru festar plastkrækjur til að auðvelda uppsetningu.

Algengustu stærðir á hefðbundnum fána eru:
100×70 cm, 150×100 cm og 180×120 cm (breidd x hæð).

Fánaborðar eru oftast teknir í stærðinni:
200×100 cm, 250×100 cm og 300×120 cm (breidd x hæð).

Eftirfarandi texti um fánastangir er af vef Stjórnarráðs Íslands:

„Þegar fánastöng er reist á jörðu skal leitast við að hafa hlutfall milli stærðar fána og lengdar fánastangar við hæfi. Æskilegt er að miða við að breidd fánans sé 1/5 af lengd fánastangar. Ef stöng er upp af húsþaki, sé hún þrisvar sinnum breidd fánans að lengd, en 2 og 1/2 sinnum, ef hún er skáhallt út frá húsvegg, en stöng, sem myndar rétt horn við húsvegg, sé tvöföld breidd“.

* Upplýsingar um notkun íslenska fánans á vef Stjórnarráðs Íslands.

Tengdar vörur

Prentun á álplötur

Tússtöflur

Skil á prentgögnum

Segl og tau

Prentanir á ýmis efni

Límmiðar

Tengiliður

Þorleifur Örnólfsson
Erlingur Sigurðsson
Gunnar Sigmundsson
Þórður Karl Einarsson
Baldur Guðmundsson

Hvers leitar þú vinur?